СКИАТОС | ЛЕТО 2020

На само 400км оддалеченост по копнен пат и 3 часа со траект нашата екипа пристигна на островот Скијатос! Овој остров за разлика од островот Крф, изобилува со борова шума, пространи плажи со ситен песок и кристално чисто море. Заедно со островите Хвар, Елба и Корзика припаѓа во групата на најзелените и најшумовитите острови во Европа. Дали може да замислите?
Островот – Скијатос има површина од 50 км2 и преку 50 плажи со резлична тематика, но сите песочни! Градот Скијатос со својот модерен стил и многубројните ресторани, бутици, кафетерии и дискотеки, како и туристи од цела Европа, ќе ве опушти и ќе ги задоволи сите ваши потреби. Скијатос, еден од најпопуларните острови на Грција. Познат е по златните плажи, зеленилото  и живописната природа. Овој остров е за сечиј вкус, омилена дестинација за младите кои сакаат луд и незаборавен одмор, но и за семејствата кои имаат избор на мирни плажи за вистински одмор. Најпопуларните плажи се наоѓа на јужната страна на островот.

ПЛАЖИ:

КУКУНАРИЕС

Една од најпознатите плажи на Скијатос, се наоѓа на јужната страна на островот.Плажата е пространа и овде секој може да ужива на свој начин. Може во бројните барови да се напиете кафе или пиво или да се опуштите на лежалка со некоја книга. За љубителите на водни спортови има можност адреналински да го поминат денот. А секако имате и помирен дел каде што може да уживате во интимна атмосфера.

ЛАЛАРИА

исто во групата на најубави плажи на Скијатос, за некои и најубава. Оваа плажа е како рај на земјата, ремек дело на природата. Недопрена природа, бели камчиња, тиркизно море, мирно и неурбанизирано место, место кое чека да го посетите и малку ќе ви биде времето таму за да се насладите на целата таа убавина.  Оваа плажа е достапна само со бротче, кое ќе ве однесе и до средновековниот замок.

БАНАНА

Веќе ви спомнав дека овој остров е идеален за млади, љубители на денска и ноќна журка. Плажата БАНАНА е идеално место за младите посетители и секако за сите со млад дух.  Овде имате Dj од пладне до полноќ. Журката е во полн ек уште во поладневните часови и трае со исто темпо до полноќ. Море, музика, пијачка, млади и разиграни луѓе, што повеќе може да посакате. Ова место навистина ќе ви се допадне и нема да ви здосади дури и секој ден од вашиот одмор да бидете тука. Секако ова не е класичен одмор, вака малку ќе се заморите, но кога ќе се вратите ќе спиете дома, може нели?!

За летото коешто ни престои, нашата агенција ви нуди два вида на сместување.

ХОТЕЛ ЕСПЕРОС

Со поглед на живописниот залив Трулос, хотелот Есперос нуди одлични студиа со балкони за одлична рекалсација. На само 500 метри од прекрасна празна песочна плажа „FLUVIA“ опколена со борова шума и заведена од шумовите на брановите на чистото море, Есперос е иделално место за оние коишто бараат мирен одмор. Студиата во хотел Есперос располагаат со мину кујна која има фрижидер, посебно купатило со тоалет, телевизор и клима и балкони коишто имаат поглед кон борова шума, а дел од нив и кон морето. Сите соби располагаат со клима уред и телевизор. Гостите во Есперос може да приготвуваат свои оброци или да нарачат ужина од барот и да уживаат на балконот или во дворот на хотелот. Непосредно пред самиот хотел се наоѓаат и ресторани со традиционална храна и продавници. Хотелот се наоѓа до автобуска станица која може да се крористи за посета на Кукунариес или Банана Бич. А исто така може да се посети и градот Скијатос.
На само 9 минути пеш од хотелот, се наоѓа една од најпознатите плажи „Трулос“ која дефинитивно ќе биде вашиот вистински избор каде би го поминале одморот на Скијатос.
Есперос располага и со паркинг простор за патниците коишто ќе патуваат со сопствен превоз, а кој е бесплатен. Исто така, бесплатен е и безжичниот интернет. Од пристаниште до хотелот е обезбеден транспорт.

КООРДИНАТИ ОД GOOGLE MAPS: 39.141483, 23.428305

ВИЛА АНГЕЛА

На само 300 метри од прекрасната песочна плажа „Мегали Амос“, вила Ангела е поставена лоцирана во градот Скијатос. Во ова вила одморот нема да ви биде здодевен, затоа што во секој момент ќе уживате во уметничкиот стар град на Скијатос. Вила Ангела располага со климатизирани соби со балкони кои нудат градски поглед. Подовите во собите се со плочки, собите имаат телевизор и фрижидер. Не во сите соби има кујна, во дел од собите има чајна кујна со решо и фрижидер. Собите располагаат со приватни бањи со туш и тоалет.
Она што ја прави посебно убава ова вила е отворената тераса којашто се наоѓа на најгорниот спрат на оворено, а која нуди прекрасен панорамски поглед кон Скијатос и тврдината Бурци. Вилата располага и со бежичен интернет кој е бесплатен. Од пристаништето кадешто се симнуваат патниците се оди пеш до вилата којашто е во непосредна близина на главната пешачка уличка во Скијатос, а по која се наоѓаат сите ресторани и кафулиња.
На само 150 метри од вилата се наоѓа мини маркет, ресторани, а и автобуската станица. Вилата се наоѓа на 300 метри од пристаништето, од каде патниците ќе пристигнат пеш со своите куфери.
Предноста на ова вила е тоа што се наоѓа во еден од најубавите грчки градови кои создавале култура. Со самиот факт дека вие ќе летувате во градот кадешто е снимен познатиот мјузикл „МАМА МИА“ говори за тоа колку може да биде пријатно вашето лето 2020!

КООРДИНАТИ ОД GOOGLE MAPS: 39.164928, 23.485542

ВИЛА ТИТИС

Вила Титис се наоѓа во срцето на центарот на градот Скијатос. Оддалечена е околу 350 метри од пристаништето и околу 50 метри оддалечена од главната улица Пападијамантис. Од градската плажа е оддалечена само 350 метри, а иста оддалеченост има и од познатото пристаниште на кое се снимени сцени за познатиот „Мама Миа“ мјузикл. Вилата има двокреветни и трокреветни студија. Сите сместувачки единици се опремени со кујна (готвење со две плочи), фрижидер, купатило со туш, клима уред (вклучена употреба), ТВ и тераса. Без рерна. Нема сопствен паркинг.
Студиата не располагаат со крпи, WiFi има во вилата, а приватен паркинг нема.

Структура на креветите за двокреветните судиа се: Две единечни кревети или еден брачен кревет.
Структура на трокреветните студиа се:  3 еднокреветни кревети или брачен кревет + единечен кревет

Белешки:
* Грчки стандард за единечен кревет е 185-200cm со 75-90cm, за брачен кревет 185-200cm со 120-145cm, за дополнителен кревет 175-180cm со 65-70cm
* Кујните во сите студиа се опремени со најосновен прибор за подготовка на лесни јадења.
* Јачината на сигналот на Интернет, брзината и квалитетот на поврзување, како и мрежната стабилност зависи исклучиво од давателот, техничките можности во одморалиштето и самиот регион и други фактори
* Како и кај вила Ангела, фотографиите од сместувачкиот капацитет се од повеќе студиа, а не се селектирани по едно студио.
* Фотографиите во оригинална големина можете да ги погледнете најгоре во катергорија Gallery

КООРДИНАТИ ОД GOOGLE MAPS: 39.164611, 23.487664

ЦЕНИ

• Цените се изразени по лице за 7 ноќевања
• Дополнителните 25€ се наменети за билет за траект на релација Волос-Скијатос-Волос
• За цените означени со ПРОМО не се намалува за сопствен превоз
• Доколку сакате да споите термин а термините се означени со ПРОМО, не се одбива за превоз на вториот термин без разлика дали користите превоз
• Промо термините важат исклучиво со целосна уплата
• За сингл соба се доплаќа плус 50% од редовната цена поради вториот кревет
• Поаѓањето со автобус ќе биде дефинирано по договор со траект фирмата
• Седиштата се нумерирани и секој патник седи според бројот на уплата
• Доколку патниците имаат барање за седење во автобус истото се доплаќа 15€ по лице
• За сопствен превоз се одземаат 25 евра од цената на понудата, а патниците сами го организираат патот со траектот до и од Скијатос (Не се одзема на промо цена)
• За оваа програма важат ОПШТИТЕ УСЛОВИ ЗА ПАТУВАЊЕ

• ЦЕНАТА НА АРАНЖМАНОТ ВКЛУЧУВА:
• 7 ноќевања – 8 дена на Скијатос
• Автобуски превоз на релација Скопје – Волос – Скопје
• Повратна карта за траект Волос – Скијатос – Волос (Се наплаќа во автобус)
• Туристички пратител за време на патувањето и престојот на Скијатос
• ЦЕНАТА НА АРАНЖМАНОТ НЕ ВКЛУЧУВА:
• Патничко осигурување (без франшиза) (ЗАДОЛЖИТЕЛНО, се прави во агенцијата)
• Факултативни излети
• Користење на клима (не е задолжително) 5 евра од ден, се плаќа на лице место при пристигнувањето
• Доплата за туристичка такса, 3.5 евра од студио или апартман за 7 ноќи ( задолжително ) плаќате кај газдите на вилите
• Попусти за деца:
• За дете до 6 години се наплаќа 65 евра доколку е придружувано од двајца возрасни
• Дете од 6 до 11,99 години ја плаќа со 25% попуст од редовната цена
• Две деца од 2 до 12 години кои делат кревет имаат попуст од 50%

ВАЖНО: Ваучерите за рана резервација се користат исклучиво од лицата кои имаат склучено договор за патување со нашата агенција.

Организаторот на патувањето го задржува правото по пат на ultra first или last minute понуда да ги објави и продаде слободните капацитети по цени кои се разликуваат од оние кои се веќе објавени во ценовникот. Лицата кои го уплатиле аранжманот по редовен ценовник, немаат право на надомест на средства за разлика во цена.

CHECK IN: ОД 14:00 ДО 16:00
CHECK OUT: ОД 07:00 ДО 09:00

• Departure/Return Location

  Паркинг Вип Хотел

• Departure Time

  Во зависност од траект компанијата

• Return Time

  Во зависност од траект компанијата

• Dress Code

  Летна облека

1. ОПШТИ ПОДАТОЦИ
Јазици: локален, англиски

2. ВИЗИ
Виза не е потребна

3. ЕЛ. МРЕЖА
220V

4. ПОСЕБНИ НАПОМЕНИ
/

5. БЕЗБЕДНОСТ
Безбедна дестинација.

6. СУВЕНИРИ
Од сувенири препорачуваме: традиционална облека…